भटकंती कट्टा - एक

स्थळ : राजे शिवाजी क्लायम्बिंग वॉल, शिवाजी नगर गावठाण, पुणे . 

दिनांक: २२ जानेवारी २०१५, संध्याकाळी ६. 

ठरल्या प्रमाणे सहा वाजता भटके जमू लागले. शंभर एक भटके जमले, फेसबुकी ओळख असलेल्या बऱ्याच भटक्यांनी एवढ्या मोठ्ठ्या संख्येने एकत्र येउन भेटण्याची पुण्यातली  पहिलीच वेळ असावी. 

अमित नी सूत्रसंचालकाची भूमिका घेत सगळ्यांना ओळख करून द्यायला सांगितले. ओळख परेड चालू असताना प्रत्येकाच्या चेहऱ्यावर आलटून पालटून "अर्रे तुss होय" असे भाव येत होते. सुनील पिसाळ देशमुख सर आणि सुरेंद्र शेळके सर यांनी दिलेला पाठींबा आणि मार्गदर्शना खाली कट्ट्याची मुहूर्त मेढ रोवली गेली. 

भटकंती कट्टा - एक

पहिल्या कट्ट्यावर भारतातल्या गिर्यारोहण प्रशिक्षण संस्था आणि त्यांची माहिती तिथे मिळणारे प्रशिक्षणाचे स्वरूप, त्या courses ची माहिती या सगळ्या गोष्टीची आदान प्रदान झाले. शेळके सरांनी भटक्यांनी हे course करणे कसे व किती गरजेचे आहे ते सांगितले. 

गिर्यारोहणामधील धोके, सावधानता व सुरक्षा या विषयी पिसाळ देशमुख सरांनी उत्तम मार्गदर्शन केले. 

सरते शेवटी निरनिराळे gadgets ची चर्चा झाली. भरपूर battery backup असलेला फोन हा center of attraction होता. 

पुढील महिन्याच्या दुसऱ्या गुरुवारी भेटायचे ठरले आणि एकमेकांचा निरोप घेऊन भटके घरी परतले.

आलेले सगळे भटके कुठल्या ना कुठल्या छत्राखाली अथवा २-४ टाळकी जमवून ट्रेक करत असुनही इथे एकत्र जमले होते हेच या कट्ट्याचे वैशिष्ट्य आणि यश!